मराठी आणि हिंदी मालिकांमधून आपली वेगळी ओळख निर्माण करणाऱ्या लोकप्रिय अभिनेत्री प्रिया मराठे यांचे निधन झाले आहे. वयाच्या केवळ ३८ व्या वर्षी त्यांनी रविवारी (३१ ऑगस्ट २०२५) मिरा रोड येथील निवासस्थानी अखेरचा श्वास घेतला. गेल्या काही वर्षांपासून त्या कर्करोगाशी झुंज देत होत्या. प्रिया मराठे यांचा अभिनय प्रवास प्रिया यांनी मराठी व हिंदी दोन्ही मालिकांमध्ये लक्षवेधी भूमिका साकारल्या. चार दिवस सासूचे , तू तिथे मी , पवित्र रिश्ता , उतरन , साथ निभाना साथिया , स्वराज्यरक्षक संभाजी यांसारख्या मालिकांमुळे त्यांना घराघरात लोकप्रियता मिळाली. त्यांची शेवटची मालिका तुझेच मी गीत गात आहे जून २०२४ मध्ये संपली होती. वैयक्तिक आयुष्य २०१२ साली प्रिया यांचा अभिनेता शंतनू मोगे यांच्याशी विवाह झाला होता. सोशल मीडियावर त्या सक्रिय असल्या तरी २०२४ नंतर त्यांनी फारशा पोस्ट शेअर केल्या नाहीत. ऑगस्ट २०२४ मधील जयपूर ट्रिपचे फोटो हा त्यांचा शेवटचा इन्स्टाग्राम अपडेट ठरला. चाहत्यांची शोक प्रतिक्रिया प्रियांच्या निधनाच्या बातमीनंतर सोशल मीडियावर चाहत्यांनी शोक व्यक्त केला. “अवघ्या ३८ व्या वर्षी प्रिया मर...